- බස්නායක නිලමේ හේමන්ත බණ්ඩාර හේරත් කියයි
"ඉඩම් කොල්ලය පිටුපස දේශපාලකයන් ඉන්නවා. මට එල්ලවන මරණ තර්ජන ගැන පොලිස්පතිට කිව්වත් වැඩක් නෑ"
ආර්. එම්. ඩබ්. බණ්ඩාර - කුරුණෑගල
ශ්රී ලංකාවේ විහාර දේවාලගම් ආඥ පනත යටතේ දේවාලය සතුව පැවති ඉඩකඩම් කිසිම අයුරකින් පැවරීම හෝ විකිණීම සපුරා තහනම්ව තිබුණත් කුරුණෑගල, විල්බාව ශ්රී පත්තිනි මහා දේවාලය සතු ඉඩම් අක්කර නවදහසක් පමණ ප්රමාණයක් වර්තමානයේ දේවාලය සන්තකයේ නොමැති බව වසර කීපයකට පෙර බස්නායක නිලමේ තනතුරට පත්වීමෙන් පසු සොයා බැලීමේදී ස්ථිර වශයෙන්ම අනාවරණය වූ බව විල්බාව ශ්රී පත්තිනි දේවාලයේ බස්නායක නිලමේ හේමන්ත බණ්ඩාර හේරත් මහතා කියා සිටියේය.
විල්බාව ශ්රී පත්තිනි දේවාලය සතු දේපොළ සහ ඉඩකඩම් සම්බන්ධව තමා බස්නායක නිලමේ ධුරයට පත්වීමෙන් පසු දිගින් දිගටම නීත්යනුකූලව පරීක්ෂණ පවත්වා සොයා බැලූ බවත්, මේ සම්බන්ධව වගකීමක් තිබෙන රාජ්ය ආයතනවල නිලධාරීන් කියා සිටින්නේ අදාළ ලේඛන දිරාපත් වී තිබෙන බව යෑයි බස්නායක නිලමේවරයා පැවසුවේය.
